بيومك العالمي…ما تكوني اجر كرسي

اليوم العالمي للمرأة, شو يعني هالنهار؟ شو يعني يوم عالمي للمرأة؟ شو يعني انو المرأة يكون عندها يوم موحد بيحتفل في كل النساء حول العالم؟ مش ضرورة الاحتفال يكون حفلة مع رقص و موسيقى صاخبة.ممكن نحتفل في بين و بين حالنا, نتذكر انو المرأة تعتبر من الدرجة الثانية بمعضم الدول العربية او حتى بلا دراجات أبدا.بكتير من البيوت العربية البنت,السيدة أو المرأة محطوطة على الرف…بكتير من البيوت بعدها البنت منا كافية اذا الأهل ما عندن غير بنات لازم يكون في شاب حتى يحمل اسم العيلة و اذا شي عيلة ما ساقبت صار عندها شباب بيتسما الأب أبو البنات.صرنا بسنة ال2016 و بعد في عقليات بتأمن و بتشجع على جرايم الشرف لأنو البنت وسخت اسم العيلة بعملتها,مش لأنو الشب حريتو فوق الريح و رجولتي بتنقاس بكم بنت بشد لعندو او هو رب النسوان

بهيدي المناسبة بدي قدم تحية لكل بنت,سيدة و مرأة بعالم العربي و قلها انو رح يجي يوم و تصيري مرأة ذات قيمة, ام ذات اختصاص ما, بنت طموحة و طالعة على درج احلامها

بدي خبر كل بنت قالو عنا عانس,انتي حرة و حرة بقرارتك و اختيارتك

بدي خبر كل سيدة استغلت و انرحمت لأنو المرجلة مواحطتها من كل النواحي…بدي خبرك انو الرجولة مش بالعضلات ولا بكلمات الجارحة

بدي خبر كل بنت انو فيكي تكبري و تعيشي بلا زلمي بحياتك..بدي خبر كل صبية قطعت سن ال20 و بعدها ما تزوجت و زعلانة على حضها لأنو الماما ما عندها غيرك

بدي خبر كل سيدة بكل أنحاء العالم العربي,مطلقة,أرملة…الخ انتي انسانة حرة الك شخصية و كيان ما حدا عندو الصلاحية انو يهز هيدا الكيان يلي بجيب أجيال و سهر الليل حتى تربي و تكبر و بالاخر بتطلع غلطانة لأنو زوجها طلع عبالها يخونها او يشك فيها فبيقتلها و بيمشي بجنازتها… صار لازم نعلي الصوت كرمال العدل و يبطل في زواج مبكر و لا شرايم شرف

بيومك العالمي بقلك..ما تكوني اجر كرسي ولا بو زهور منسية بعواصف الشتا و تكوني الضحية و تسكتي و لكن..احكي عن المجرم و علي صوت..ما تكوني طاولة مغبرة صرلها سنين مش منضفة لأنو أهل البيت مش موجودين..ما تكوني السكوت يلي بيسكن قلبك كرمال الولاد و العيلة و البيت… و تكوني اجر كرسي بل قعادي عليها و طالبي بالمساواة بينك و بين الجنس الأخر ..لأنو صار وقتها

international-womens-day

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s